Dita e shtunë pritet të jetë nën ndikimin e kushteve atmosferike relativisht të paqëndrueshme. Moti parashikohet të jetë me vranësira në pjesën e parë të ditës dhe kthjellimet do të bëhen prezente kryesisht në pjesën e dytë të ditës.
Reshjet e shiut do të jenë prezente që në orët e para të 24-orëshit në pjesën më të madhe të vendit. Gjatë ditës reshjet e shiut do të mbeten prezente me intensitet të ulët të karaktërit lokal në veri ndërsa në pjesën tjetër reshje shiu të herëpashershme me intensitet të ulët e lokalisht mesatar në formën e shtrëngatave afashkurtra.
Kjo situatë do të mbete prezente deri në orët e mbrëmjes më pas pritet ndërprerje e reshjeve të shiut në të gjithë vendin.
Dita e dielë do të jetë në ndikim të kushteve atmosferike relativisht të qendrueshme. Moti parashikohet të jetë me kthjellime dhe vranësira të cilat pritet të jenë prezente kryesisht në mesditë përgjatë relieveve malore. Në mesditë vranësirat do të pasohen nga reshje lokale shiu përgjatë relieveve malore.
Era do të jetë nga kuadrati i veriut me shpejtësi deri në 8m/sek, e cila hera-herës përgjatë vijës bredgetare fiton shpjetësi deri ne 12m/sek. Deti i forës 1-2 ballë.
