Iraku ka dënuar 14 persona me varje për rolin e tyre në masakrën brutale të ISIS, ku u vranë rreth 2000 njerëz.
Masakra ishte një nga më të rëndat e kryera nga i ashtuquajturi Shteti Islamik në Irak, ku ekstremistët rrëmbyen kryesisht kadetë shiitë nga baza ushtarake Speicher, të cilët ,ë pas ekzekutoheshin.
Ndërkohë që ende nuk ka një numër zyrtar të viktimave, vetë ISIS-i e tha numrin e njerëzve që vrau atje në rreth 1,700 dhe të tjerë thonë se mund të ketëqenë deri në 3,000.
Gjykata Penale Al-Rusafa në kryeqytetin Bagdad “lëshoi dënime me vdekje kundër 14 terroristëve kriminelë për pjesëmarrjen e tyre në masakrën e Camp Speicher në 2014”, tha autoriteti gjyqësor në një deklaratë, pa specifikuar kombësitë e tyre.
Detajet e tmerrshme të masakrës u filmuan dhe u publikuan në video të ndryshme propagandistike të ISIS-it, me shumë video tronditëse që shfaqnin djem adoleshentë që luteshin për jetën e tyre.
