Vritet nga bombardimet ruse bashkë me gruan e tij një nga biznesmenët më të pasur të Ukrainës.
Ngjarja ndodhi në qytetit jugor të Mykolaiv, gjatë natës së djeshme.
Oleksiy Vadatursky, 74 vjeç dhe gruaja e tij Raisa vdiqën kur një raketë goditi shtëpinë e tyre gjatë natës, raportojnë mediet ukrainase.
Vadatursky zotëronte kompaninë “Nibulon”, që operonte në eksportet e grurit, shkruan BBC.
I ndjeri ishte vlerësuar gjithashtu me çmimin “Hero i Ukrainës” për kontributin e tij në sektorin e dridhërave.
Sipas një vlerësimi të bërë nga revista “Forebes” në vitin 2020 Oleksiy Vadatursky zotëronte një pasuri me vlerë prej 450 milion dollarësh
“Kontributi i tij në zhvillimin e industrisë bujqësore dhe të ndërtimit të anijeve, zhvillimin e rajonit është i paçmuar”, tha Kryetari i bashkisë së Mykolaiv, Oleksandr Senkevych, raporton BBC.
Nibulon ka ndërtuar shumë ndërtesa magazinimi dhe infrastruktura të avancuara teknologjike për eksportimin e grurit.
Ukraina dhe Rusia janë eksportuesit kryesorë të grurit dhe drithërave të tjera, dhe ndërprerja e eksporteve të shkaktuara nga lufta ka bërë që çmimet e ushqimeve të rriten në mbarë botën.
Të dy vendet nënshkruan një marrëveshje të ndërmjetësuar nga OKB në Turqi javën e kaluar, që synon lehtësimin e krizës ushqimore.
Por dërgesat ukrainase pritet të jenë të ngadalta mes kontrolleve të rënda të sigurisë.
Ukraina akuzon forcat ruse për vjedhjen e grurit nga fermat në tokat e pushtuara dhe eksportimin e tyre nëpërmjet Krimesë. Ndërkohë Rusia i mohon këto pretendime. Pasojat do ndjehen në tregun ndërkombëtar.
