Singapori ka dënuar me vdekje një person pasi u kap me 1 kilogram kanabis. Pavarësisht protestave për ta falur nga aktivistët dhe familja e tij, ai u ekzekutua me vdekje me akuzën e nixtjes së trafikimit të kanabisit.
46-vjeçari Tangaraju Suppiah u ekzekutua për nxitje të trafikimit të 1 kilogram kabanis me vlerë 2.2 paund.
Sipas ligjeve të Singaporit, trafikimi i më shumë se 500 gram kanabis merr dënimin maksimal.
Aktivistja e Drejtësisë, Kirsten Han e cila mbron heqjen e dënimit me vdekje në Singapor, tha se Tangaraju u var këtë mëngjes dhe se familjes së tij i ishte dhënë çertifikata e vdekjes.
Megjithëse Tangaraju nuk u kap me kanabis, prokurorët thanë se numrat e telefonit e gjurmonin atë si personin përgjegjës për koordinimin e shpërndarjes së drogës.
Tangaraju kishte pohuar se nuk ishte ai që komunikonte me të tjerët të lidhur me rastin. Të afërmit dhe aktivistët i kishin dërguar letra presidentit të Singaporit Halimah Yacob për ta falur.
Në një video të postuar nga akivistët e drejtësisë, mbesa dhe nipi i Tangaraju i bënë thirrje publikut që të reagojë ndaj qeverisë për ekzekutimin e afërmit të tyre.
Kritikët thonë se dënimi me vdekje kap vetëm njerëzit e shtresave të ulëta dhe ka bërë pak për të ndaluar trafikantët e drogës dhe krimin e organizuar.
46-vjeçari Tangaraju Suppiah, i dënuar me vdekje
Por qeveria e Singaporit thotë se të gjithë të ekzekutuarve iu është miratuar një proces i plotë i rregullt sipas ligjit dhe se dënimi me vdekje është i nevojshëm për të mbrojtur qytetarët e saj.
Miliarderi britanik Richard Branson, i cili ka dalë hapur kundër veprimit të qeverisë së Singaporit bëri gjithashtu thirrje për ndalimin e ekzekutimit në një postim në blog, duke thënë se “Singapori mund të jetë gati të vrasë një njeri të pafajshëm”.
Autoritetet e Singaporit kritikuan akuzat e Branson, duke deklaruar se ai kishte treguar mungesë respekti për sistemin gjyqësor të Singaporit pasi provat kishin treguar se Tangaraju ishte fajtor.
Zëdhënësja për të Drejtat e Njeriut, në Kombet e Bashkuara Ravina Shamdasani i bëri thirrje qeverisë së Singaporit të miratojë një “moratorium formal” mbi ekzekutimet për vepra të lidhura me drogën,transmeton The Independent.
“Vendosja e dënimit me vdekje për veprat penale të drogës është e papajtueshme me normat dhe standardet ndërkombëtare,” tha Shamdasani, e cili shtoi se gjithnjë e më shumë dëshmi tregojnë se dënimi me vdekje është joefektiv si një parandalues.
Qëndrimi i Singaporit për dënimin me vdekje për rastet e trafikut të drogës është në kontrast me fqinjët e tij.
Në Tajlandë, kanabisi është legalizuar dhe Malajzia i ka dhënë fund dënimit me vdekje për krime të rënda.
/rtsh.al/
