BRITANI E MADHE- Trondit me deklaratën ish-kryeministri britanik Bois Johnson.
Ai ka pohuar se vendet e tjera evropiane kishin pikëpamje shumë të ndryshme për luftën në Ukrainë, me Gjermaninë që dyshohet se preferonte një humbje të shpejtë të Ukrainës mbi një konflikt të gjatë. Në komentet që ka të ngjarë të shkaktojnë trazira mes liderëve evropianë, Boris Johnson tha për CNN Portugal:
“Kjo gjë ishte një tronditje e madhe… ne mund të shihnim grupet taktike të batalionit rus të grumbulloheshin, por vende të ndryshme kishin perspektiva shumë të ndryshme. Pikëpamja gjermane ishte në një fazë se nëse do të ndodhte, gjë që do të ishte një katastrofë, atëherë do të ishte më mirë që e gjithë puna të përfundonte shpejt dhe që Ukraina të përmbytej,” tha ai.
Johnson tha se kishte “të gjitha llojet e arsyeve të shëndosha ekonomike” për këtë qasje, por se ai “nuk mund ta mbështeste” atë.
Ai gjithashtu bëri komente për presidentin francez Emmanuel Macron, i cili kishte udhëhequr përpjekjen e Evropës për të frenuar Vladimir Putinin përmes bisedimeve diplomatike.
“Mos kini dyshim se francezët ishin në mohim deri në momentin e fundit,” tha Johnson.
Ish-kryeministri, i cili shihej si një aleat i ngushtë i Volodymyr Zelenskyy të Ukrainës, theksoi se kombet e BE-së më vonë u mblodhën pas Kievit. Burimi; Skynews
