ITALI- Kancelari gjerman Olaf Scholz ka zhvilluar sot një takim zyrtar me kryeministren Giorgia Meloni në Romë. Në fokus të bisedimeve ka qenë çështja e emigracionit të paligjshëm. Gjatë fjalës së tij në konferencën e përbashkët, Scholz shprehur besimin se do të gjendet një zgjedhje e përbashkët evropiane ndaj sfidës së migracionit, ndërsa vlerësoi partneritetin me Italinë, shkruajnë mediat italiane.
“Italia është një partner i rëndësishëm dhe një mik i besueshëm, dhe me Gjermaninë ka marrëdhënie të shkëlqyera në BE, NATO, G7 dhe G20, ne bashkëpunojmë shumë mirë, i referohemi njëri-tjetri. Sfidat e migracionit dhe refugjatëve mund të kapërcehen vetëm së bashku në BE, shkarkimi i problemeve tek të tjerët janë përpjekje të destinuara të dështojnë. Kam besim se do të gjejmë një përgjigje të përbashkët evropiane ndaj sfidës së migracionit, duhet ta menaxhojmë në mënyrë që të ketë korridore ligjore për personel të kualifikuar por ata që nuk kanë të drejtë të kthehen në vendin e tyre”, shtoi Scholz.
Sa i takon luftës në Ukrainë, Scholz tha se agresioni rus ka ndryshuar rrënjësisht kontekstin e sigurisë.
