Në ditën Botërore të Mbulimit Shëndetësor Universal Spitali Rajonal i Fierit akreditohet si më i miri në gjithë Jugun e Shqipërisë .
Ky akreditim është bërë publik në një ceremoni të zhvilluar nga Ministria e Shëndetësisë duke vlerësuar arritjet e këtij spitali dhe përkushtimin ndaj shëndetit të pacientëve jo vetëm fierakë, por edhe më gjerë.
Ky akreditim është një shtysë akoma më e madhe për të rritur shkallën e punës së stafit mjekësor në përmbushje me cilësi të çdo shërbimi që tashmë vlerësohet në shkallë të gjerë.
Spitali Rajonal Fier për shërbimin profesional akreditohet i dyti pas Qendrës Spitalore Universitare “Nënë Tereza”.
Gjithashtu në këtë ceremoni janë akredituar nga bordi i Agjencisë së Standardeve të Cilësisë dhe Kujdesit Shëndetësor një numër institucionesh shëndetësore në vend duke shënuar kështu një hap përpara drejt cilësisë dhe sigurisë së shërbimit shëndetësor për qytetarët./Tv Kombi/
