Fotot e reja mahnitëse ajrore tregojnë Starship në platformën e tij të nisjes orbitale duke pritur të niset në objektin e kompanisë në Teksas në Boca Chica.
Musk ka thënë tashmë se nisja e parë e Starship në orbitë do të ndodhë ‘së shpejti’, ndoshta brenda dy muajve të ardhshëm. Një nisje e tillë do të veprojë si një moment historik i hershëm në ambicien e tij që Starship të transportojë njerëz dhe ngarkesa në Hënë dhe Mars .
SpaceX po planifikon të transportojë njerëzit në hapësirë duke përdorur një anije kozmike me dy faza të përbërë nga Starship (seksioni i transportit të pasagjerëve) dhe përforcuesi i raketës Super Heavy.
Së bashku, Starship dhe Super Heavy janë të gjatë 120 metra dhe peshojnë 5 milionë kg. Starship është në gjendje të gjenerojë 70 Meganewton shtytje, duke e bërë atë një nga raketat më të fuqishme në botë.
/rtsh.al/
