Zbardhen detaje të reja nga ngjarja tragjike e ndodhur në Kurjan të Roskovecit ditën e martë, ku u vranë me armë zjarri Gramos dhe Vladimir Kurtaj.
Konflikti nisi mes djalit të autorit dhe djalit të Gramos Kurtajt. Autori ka në pronësi një pulari në këtë zonë, ndërsa banues është në Fier.
Gjatë ditës së djeshme puntori i pularisë së autorit ka pasur një debat me viktimat.
Këta të fundit i kanë shkuar edhe tek shtëpia Altin Kukës për t’u sqaruar, por nuk e kanë gjetur aty. Dy viktimat kanë qenë duke pirë kafe në biznesin e tyre kur autori i dyshuar i kësaj ngjarje ka shkuar dhe ka qëlluar në drejtim të tyre.
Armën e krimit e ka pasur në bagazh dhe pasi ka qëlluar për vdekje vëllezërit 52-vjeç dhe 46-vjeç është vetëdorëzuar.
Përcjellja për në banesën e fundit e dy vëllezërve do të bëhet këtë të mërkurë në orën 15:00.
