Specialistët për Hetimin e Krimeve në Komisariatin e Policisë Lushnjë arrestuan në flagrancë shtetasin S. Ç., 25 vjeç, banues në Barbullinjë, pasi në fshatin Barbullinjë, ka vjedhur një sasi parash në banesën e shtetases A. Ç. Po nga këto struktura u procedua penalisht shtetasi S. M., 50 vjeç, banues në Dushk, pasi në fshatin Dushk, pas një konflikti për motive të dobëta ka goditur me grushta shtetasin F. A., 40 vjeç, banues në Dushk, Lushnjë. Specialistët për Hetimin e Krimeve në Komisariatin e Policisë Fier proceduan penalisht shtetasit E. Ç., 48 vjeç dhe L. M., 46 vjeç, si edhe shpallën në kërkim shtetasit A. I., 36 vjeç dhe E. I., 24 vjeç, të katërt banues në Fier, pasi në lagjen “Bishanak”, kanë kanosur me sende të forta shtetasin F. M., 37 vjeç, banues në Fier. Materialet i kaluan Prokurorisë, për veprime të mëtejshme.
