Të nisura në orën tetë të mëngjesit dhe për t’u mbyllur në orën 18.00 zhvillohen primaret e kandidatëve për kandidatë për kryebashkiakë në degët e PD-së në Fier, Patos, Roskovec dhe Mallakastër. Është paraparë që nëse do të ketë të pranishëm në radhë votimi do të shtyhet deri në votuesin e fundit.
Në Fier demokratët votojnë për kandidatët: Ermal Hamataj, Evdar Kodheli Denisa Muçaj Artur Mahmutaj Albano Zhapaj Votuesit do t’i drejtohen katër qendrave të votimit, ndërkohë që votojnë rreth 4 mijë demokratë. Në Patos demokratët votojnë për kandidatët: Ardian Rama Gazmend Halimi Sofie Alushaj Demokratët votojnë pranë një qendre votimi tek selia e PD e rithemeluar me një numër votuesish në listën prej 1100 votuesish. Në Roskovec demokratët votojnë për kandidatët: Dhurata Malko Nazar Plaka Nerdit Hazizaj
Edhe në këtë degë votuesit hedhin votën e tyre në një qendër e ngritur pranë selisë së PD-së me një numër votuesish 800 demokratë. Në Mallakastër demokratët votojnë për kandidatët: Resmi Shanaj Neim Begaj Edhe në Mallakastër votuesit i drejtohen një qendre votimi te salla e ish -kinemasë në qytetin e Ballshit me një numër votuesish 800. Edhe në qarkun e Fierit nuk kanë munguar hamendësimet e kandidatëve të primareve që ky proces votimi është i dirigjuar./Tv Kombi/
