Presidenti i Republikës së Shqipërisë, Bajram Begaj, dënon sulmin fizik ndaj z. Sali Berisha duke vlerësuar se me këtë akt është cenuar demokracia në vend.
Presidenti i Republikës së Shqipërisë, Bajram Begaj, duke theksuar se dënon ashpër sulmin fizik të ndodhur gjatë protestës së sotme të opozitës ndaj z. Sali Berisha, e cilëson atë si Deputet i Kuvendit, ish-President dhe ish-Kryeministër i Republikës, pa përmendur faktin se është kryetar i PD.
Ndërsa më tej, Presidenti Begaj i konsideron këto akte të papranueshme dhe që bien ndesh me parimet e demokracisë dhe zhvillimin e protestave paqësore.
Kreu i Shtetit inkurajon autoritetet të hetojnë këtë rast dhune dhe të zbardhin sa më shpejt dinamikat e ngjarjes.
Liria e fjalës dhe tubimeve paqësore janë e drejtë kushtetuese dhe si të tilla duhet të garantohen dhe mbrohen.
