Pas 12 ditësh, ish-kryeministri Silvio Berlusconi ka dalë nga reparti i terapisë intensive të spitalit San Raffaele në Milano për t’u transferuar në një repart tjetër.
Arsyeja e transferimit, që ishte planifikuar për sot, është “përmirësimi i vazhdueshëm” i gjendjes së tij klinike, për të cilën profesorët Alberto Zangrillo dhe kryemjeku Fabio Ciceri kishin folur në daljen e tyre të fundit.
Paolo Berlusconi, duke mbërritur në spitalin San Raffaele në Milano për të vizituar vëllain e tij, u përgjigj me “po”, duke buzëqeshur dhe duke tundur kokën, ndaj atyre që e pyetën për daljen e ish-kryeministrit nga reparti i terapisë intensive.
Nga pas xhamit të makinës, ai u bëri gazetarëve me shenjë “OK” duke lënë të kuptohet se “gjithçka është në rregull”./Opinion.al
