Kryeministri Edi Rama ka njoftuar se qeveria ka miratuar paketën e rezistencës sociale me 7 pika për të ndihmuar kategori të caktuara qytetarësh nga rritja e cmimeve.
- Do të derdhim menjeherë 3.6 miliardë lekë ose 36 milionë dollarë për të indeksuar pensionet. Kjo masë do të ndikohet që në pensionin e radhës.
- Për 434 mijë përfitues do të kompensojmë me lekë në dorë rritjen e çmimeve të shportës, që bazuar nga INSTAT është 7%, ose 25 mijë lekë të vjetra plus. Qeveria do të japë 30 mijë lekë të vjetra plus për: pensionistët që marrin më pak se gjysma e pagës minimale; pensionistet e invaliditetit, pensionistët që jetojnë vetëm; persona me aftësi të kufizuatra dhe të gjitha familjet që janë në skemën e ndihmës ekonomike.
- Mbështetja për femerët për naftë pa taksa do të shkojë në 14 milionë dollarë.
- Qeveria do të mbështesë të gjithë shqiptarët që përdorin linja urbane duke derdhur 5 milionë dollarë për çmimin e biletës.
- Do ta tërheqim dy muaj përpara futjen në fuqi të ligjit për zerimin e taksës për pagat deri në 400 mijë lekë të vjetra dhe përgjysmimin për pagat deri në 500 mijë lekë të vjetra.
- Do të tërheqim me 2 muaj përpara edhe rritjen e pagës minimale.
- Kemi vendosur të shtojmë 200 milionë dollarë financimein e mburojës së çmimit të energjisë që familjet dhe bizneset e vogla të paguajnë sikur këtu nuk ka ndodhur asgjë.
