Një sherr banal i cili rezultoi fatal, i mori jetën mesditën e kësaj të shtune Ilir Kapos 60 vjeçe, pranë shkollës “Harry Fultz” në Tiranë. Ka qenë Olgert Dhimitri ai ka qëlluar me thikë 60-vjeçarin, i cili për pasojë ka ndërruar jetë.
Sipas informacioneve të siguruara nga Report Tv Kapo dhe Dhimitri po konsumonin alkool në një lokal pranë vendit të ngjarjes. Fillimisht mes tyre ka nisur një konflikt me fjalë në lokal dhe më pas kanë dalë jashtë, ku autori e ka goditur për vdekje me thikë viktimën. Mësohet se autori përveç alkoolit, kishte konsumuar edhe lëndë narkotike.
