Kanceri i pankreasit është shumë vdekjeprurës dhe shumë i vështirë për t’u njohur. Pacientët zakonisht e kuptojnë se vuajnë nga ky lloj kanceri në një fazë të avancuar, prandaj e quajnë atë “vrasësi i heshtur”. Simptomat e kancerit të pankreasit mund të jenë delikate dhe në fazat e hershme të sëmundjes.
“Këto shenja janë të kancerit të pankreasit, si humbja e peshës, dhimbje stomaku, verdhëza dhe humbja e oreksit”, pohojnë mjekët dhe theksojnë se cilës dhimbje duhet t’i kushtohet vëmendje e veçantë.
“Pankreasi është një gjëndër, rreth 13 centimetra e gjatë, e cila shtrihet gjatësore në pjesën e sipërme të zgavrës së barkut. Ndodhet në murin e pasmë të zgavrës së barkut poshtë stomakut dhe sipër zorrës së trashë. Koka e pankreasit është e lidhur me duodenin dhe e rrethuar nga lakimi i tij. Kanceri i pankreasit zakonisht fillon në kanalet pankreatike. Ndryshimet e vogla në ADN-në qelizore rezultojnë në shumëzim dhe akumulim të pakontrolluar të qelizave në grupe të quajtura tumore. Nëse nuk trajtohen, këto qeliza kanceroze mund të përhapen jashtë pankreasit në pjesë të tjera të trupit”, shtojnë më tej mjekët dhe theksojnë se gjenetika mund të tregojë një rrezik më të lartë të sëmundjes, si dhe moshën.
