Archie dhe Lilibet janë njohur zyrtarisht si princ dhe princeshë nga Mbreti. Fëmijëve të Princit Harry dhe Meghan Markle iu janë përditësuar titujt e tyre në linjën e trashëgimisë në faqen e internetit të Familjes Mbretërore, ku ata janë vendosur në vendin e 6-të dhe të 7-të, raporton ‘DailyMail’.
Deri mëngjesin e sotëm, fëmijët ishin referuar si ‘miss’ në faqen e internetit të Pallatit Buckingham. Tani ata janë “Princi Archie i Sussex” dhe “Princesha Lilibet e Sussex”. Kjo erdhi menjëherë pasi prindërit e tyre deklaruan se është “e drejta e lindjes” e Archie dhe Lilibet që të quhen princ dhe princeshë.
Një zëdhënës i Harry-t dhe Meghan-it tha: “Titujt e fëmijëve kanë qenë të drejta të lindjes që kur gjyshi i tyre u bë monark. Kjo çështje është zgjidhur për disa kohë në përputhje me Buckingham Palace.’
Burime nga Buckingham Palace pohuan se ata po prisnin që Harry dhe Meghan të merrnin një vendim përfundimtar për vijimësinë e tyre në pallat.
