Lufta në Ukrainë ka shkaktuar krizë me pasoja të rënda për ekonominë që do të vijojë të ndikojë në rritjen e inflacionit. Çmimet e karburanteve dhe ushqimeve janë rritur me shpejtësi, duke goditur më së shumti vendet me të ardhura të ulëta.
Në grafikun e publikuar nga FMN duket se rritja globale parashikohet të ngadalësohet nga 6.1% që është vlerësuar në 2021 në 3.6% në vitin 2022 dhe 2023.
Përtej vitit 2023, rritja globale parashikohet të bjerë në rreth 3.3%. Rritjet e çmimeve të mallrave të shkaktuara nga lufta dhe presionet që kanë sjellë çmimet, kanë sjellë parashikimet se inflacioni mund të arrijë në 5.7% në vendet me ekonomi të zhvilluar dhe 8.7% për vendet që janë në zhvillim.
