Nëse keni plane për plazh, moti këtë javë do të jetë në favorin tuaj. Sërhbimi Meteorologjik Shqiptar parashikon se temperaturat gjatë javës do të jenë në rritje, ndërsa dielli do të sjellë hijen e verës.
“Java që presim përpara parashikohet një javë me “shije” vere pasi vendi ynë pritet të ndikohet nga kushtet të qëndrueshme atmosferike me plot orë me diell si dhe temperatura në rritje. Në këtë mënyrë siç u theksua edhe më lartë duke nisur nga dita e Hënë (nesër) deri dhe ditën e Enjte moti parashikohet i kthjellët në pjesën më të madhe të territorit”.
Megjithatë nuk do të mungojnë vranësirat e pakta kalimtare të cilat do të jenë më të theksuara në relievet malore në lindje shoqëruar me shi të dobët dhe lokal.
