Lufta në Ukrainë ka provokuar një valë të madhe refugjatësh. Rreth 1.5 milion ukrainas, kryesisht gra dhe fëmijë, u janë drejtuar vendeve fqinje dhe vendeve të BE.
Polonia është një nga vendet që po mban peshën kryesore të pritjes së tyre. Mijëra refugjatë i drejtohen çdo ditë kufirit për t’i shpëtuar bombardimeve ruse.
Si mjaft media ndërkombëtare, Noa.al ndodhet në vendin e luftës për të pasqyruar në kohë reale se çfarë zhvillimesh ka atje.
Pamjet e dërguara në orët e para të mëngjesit të sotëm tregojnë dyndjen e refugjatëve në kufirin mes Ukrainës dhe Polonisë.
Nga fotot shihen refugjatë të lodhur dhe raskapitur nga rruga dhe të rëndua psikologjikisht. Moti I keq gjithashtu ka ndikuar në gjendjen e tyre.
Ndërkohë autoritetet polake po ndihmojnë sa të munden me ushqime, veshmbathje, ujë akomodim dhe transport.
