Ditët ikin, lufta vazhdon.
Disa shpërthime janë dëgjuar mëngjesin e sotëm në kryeqytetin Kiev, Odesa dhe Zaporizhzhia.
Në Zaporizhzhia, sekretari i këshillit të qytetit Anatoliy Kurtev shkroi në Telegram se një shpërthim goditi një stacion hekurudhor. Nuk ka ende detaje nëse ka viktima në këto zona, raporton BBC.
Shërbimet e urgjencës së qytetit tani thonë se një ndërtesë banimi 12-katëshe në lagjen Shevchenko u godit nga bombardimet ruse rreth orës 6 të mëngjesit. Një ndërtesë nëntëkatëshe u dëmtua gjithashtu. Disa persona janë lënduar dhe 35 janë evakuuar nga ndërtesa. Banorët në të gjithë qytetin janë strehuar në bunkerë, strehimore nëntokësore dhe shtëpitë e tyre.
