Ish-zonja e parë Melania Trump ka bërë thirrje që vendi të ngrihet mbi urrejtjen, pas atentatit që iu bë bashkëshortit të saj ish presidenti Donald Trump.
Në një deklaratë të ndarë për mediat, Melania Trump tha se duhet zbutur retorika e ashpër dhe të promovohet uniteti, si dhe u kërkoi votuesve që të marrin parasysh anët personale të politikanëve.
“Këtë mëngjes, ngjituni mbi urrejtjen, mendjen dhe idetë e thjeshta që ndezin dhunën”, shkruan Melania Trump.
Melania Trump tha se ngjarja mund të ndryshonte përgjithmonë jetën e saj dhe të djalit, ndërsa shtoi se ngjarje të tilla duhen shmangur dhe se populli duhet të bashkohet përtej ndasive që situata të tilla të mos përsëriten.
“Tani po mendoj për ju, bashkëkombësit e mi amerikanë. Ne kemi qenë gjithmonë një bashkim unik. Amerika, struktura e kombit tonë të butë është copëtuar, por guximi dhe sensi ynë i shëndoshë duhet të ngjitet dhe të na bashkojnë si një. Kur pashë atë plumb të dhunshëm që goditi burrin tim, Donald, kuptova se jeta ime dhe jeta e Barron ishin në prag të ndryshimit shkatërrues. Unë u jam mirënjohës agjentëve të guximshëm të Shërbimit Sekret dhe zyrtarëve të zbatimit të ligjit që rrezikuan jetën e tyre për të mbrojtur burrin tim”, shkruan ajo.
Ajo shprehu ngushëllimet për familjarët e të vrarëve dhe të plagosurve në të shtënat dhe e quajti sulmuesin “një përbindësh”.
“Një përbindësh që e njohu burrin tim si një makinë politike çnjerëzore u përpoq të nxiste pasionin e Donaldit, të qeshurën, zgjuarsinë, dashurinë për muzikën dhe frymëzimin e tij. Aspektet thelbësore të jetës së burrit tim, ana e tij njerëzore, u varrosën poshtë makinës politike. Donaldi, njeriu bujar dhe i kujdesshëm me të cilin kam qenë në kohërat më të mira dhe më të këqija”, tha ajo.
Ish presidenti Donald Trump i shpëtoi atentatit me një lëndim në vesh nga plumbi që e preku gjatë një tubimi në Pensilvani. Gjatë sulmit humbi jetën një person i pranishëm në tubim dhe mbetën të plagosur rëndë dy të tjerë. Autori i sulmit u identifikua nga FBI si Thomas Matthew Crooks, 20 vjeç, i cili u qëllua nga autoritete. Arsyet e sulmit nuk dihen ende, ndërsa Trump ndodhet në gjendje të mirë shëndetësore.
/rtsh.al/
