Kievi është zgjuar me bombardime këtë mëngjes. Zyrtarët lokalë thonë se uzina e prodhimit serik Antonov është goditur nga granatimet ruse. Shkalla e dëmit nuk ishte menjëherë e qartë dhe nuk dihet nëse ka pasur viktima apo të plagosur. Mediat lokale raportojnë se një kullë televizive pranë Rivne në Ukrainën perëndimore u godit gjithashtu nga një raketë ruse, por nuk dihet nëse ka viktima.
Një raketë ruse godit një godinë banimi dhe la të paktën dy persona të vdekur dhe tre të plagosur. Lajmi u konfirmua edhe nga Këshilltari i ministrisë së brendshme të Ukrainës, Anton Gerashchenko. Diku tjetër gjatë natës, katër persona u plagosën gjatë një sulmi me raketa që synonte ndërtesat administrative në fshatin Stavische, në rajonin Zhytomyr.
Nga ana tjetër bisedimet mes palëve vijojnë. Lajmi u konfirmua nga Dmitry Peskov i Rusisë dhe Mykhailo Podolyak i Ukrainës. Agjencia e lajmeve Reuters raporton se bisedimet do të zhvillohen online në orën 10:30 me kohën lokale (08:30 GMT). Nga ana tjetër, Rusia i ka kërkuar ndihmë Kinës për pajisje ushtarake, por nuk ka marrë ende përgjigje. Neë York Times dhe Financial Times e shihnin Kinën sir ë gatshmë për t’i ofruar ndihmë Rusisë, por nuk ka munguar as përgjigjia e SHBA-ve. Sot zhvillohet një takim me zyrtarit amerikan dhe atij kinez në Romë.
Presidenti ukrainas Volodymyr Zelenskyy i ka kërkuar sërish Perëndimit të vendosë një zonë ndalim-fluturimi duke paralajmëruar se është vetëm çështje kohe para se raketat ruse të bien në territorin e NATO-s. Presidenti i Ukrainës pritet t’i drejtohet Asamblesë Parlamentare të Këshillit të Evropës, në një seancë të jashtëzakonshme që nis në orën 10.30.
Zyrtarët në portin e Mariupolit thonë se më shumë se 2,100 civilë tashmë dihet se kanë vdekur në qytetin e rrethuar. 140,000 civilë ukrainas janë evakuuar nga zonat e konfliktit.
