Një burrë raportohet se i vendosi flakën vetes përpara ambasadës amerikane në Kopenhagë këtë të premte.
Policia daneze njofton se, personi në fjalë ishte një 18-vjeçar danez, i cili mundi të shpëtohej nga ekipet e policisë dhe zjarrfikëses.
Ai u dërgua në spital për trajtim mjekësor, jashtë rrezikut për jetën.
Në muajt e fundit, protesta janë zhvilluar në Danimarkë dhe vende të tjera skandinave në të cilat është djegur Kurani.
Muajin e kaluar, Turqia thirri ambasadorin danez në Ankara për të dënuar sulmet ndaj Kuranit dhe flamurit turk.
Në janar, një ekstremist i djathtë shkaktoi zemërim kur dogji një kopje të Kuranit jashtë një xhamie në Danimarkë, duke transmetuar marifetin e tij drejtpërdrejt në Facebook.
