Një 29-vjeçar ka mbetur i plagosur ditën e sotme në Pogradec. Policia bën me dije se ai është konfliktuar me 3 të rinj, vëllezër me njëri-tjetrin. Këta të fundit janë kapur nga blutë.
Plagosën me mjet prerës gjatë një konflikti një 29-vjeçar, kapen dhe shoqërohen nga Policia 3 autorët e dyshuar të ngjarjes. Më datë 10.10.2023, rreth orës 14:30, në lagjen nr. 1, Pogradec, tek ish-tregu, gjatë një konflikti për motive të dobëta shtetasit E. B., 28 vjeç, A. B., 20 vjeç dhe E. B., 25 vjeç (vëllezër), dyshohet se kanë dëmtuar me mjet prerës në trup shtetasin G. D., rreth 29 vjeç, banues në Pogradec, i cili u dërgua për mjekim në spitalin e Pogradecit.
Në ambientin e Komisariatit ndodhen të shoqëruar autorët e dyshuar të ngjarjes, për veprime të mëtejshme procedurale.Grupi hetimor po punon për sqarimin e rrethanave të ngjarjes”, njofton policia./tvklan.al
