Tiranë- Votime edhe në burgje. Përveç 5213 qendrave të votimit, në Shqipëri votohet edhe në institucionet e dënimit.
Bëhet me dije nga burimet për mediat se deri rreth orës 11:45 të 14 majit, 84 të burgosur kanë ushtruar të drejtën e votës.
Ndërkohë janë 2096 të burgosur që janë përjashtuar nga e drejta për të votuar kryebashkiakun e qytetit ku vendbanimin. Ata përfshihen në kategorinë e ndalimeve të ligjit numër 138.
Kjo kategori përfshin të dënuarit e formës së prerë të akuzuar nga vrasja deri tek trafiqet e drogës dhe të qenieve njerëzore.
Pas 1 muaji fushatë, sot do të mund të japin ‘verdiktin’ e tyre 3.650.550 shtetas shqiptarë që kanë të drejtën e votës. Ndërkaq janë 122.545 zgjedhës votojnë për herë të parë.
