Vijon normalisht procesi i votimit për kryetar bashkie në 50 qendrat e votimit të Mallakastrës. Të drejtë vote kanë 31,652 qytetarë, ndërsa garojnë tre kandidatë për kryetar bashkie dhe 330 kandidatë për anëtarë të këshillit bashkiak.
Gjatë ruajtjes së materialeve zgjedhore dhe objekteve që do të përdoren si qendra votimi, nuk u konstatua asnjë problematikë. Qendrat e votimit janë hapur në orën 07:00 të mëngjesit, ndërsa pritet që të mbyllen në orën 19:00.
Tre kandidatët për kryetar bashkie janë Agron Kapllanaj, Qerim Ismailaj dhe Resmi Shanaj, ndërsa 15 parti politike garojnë për anëtarët e Këshillit Bashkiak Mallakastër. Vendi i numërimit të votave ndodhet në palestrën e gjimnazit të Ballshit, ndërsa numërimi do të fillojë pasi të gjitha kutitë e votimit të kenë mbërritur për numërim në Ballsh.
Mallakastra News
