Gjykata e Tiranës ka dhënë masën e sigurisë “arrest me burg” për 46-vjeçarin, Edmond Arapi, i akuzuar si porositës i shpërthimit me tritol në fasonerinë në pronësi të italianit Roberto Bingaido, më 25 Maj në zonën e Freskut.
Ndërsa për 16-vjeçarin, A. Vatoci, i cili u pagua nga Arapi me 100 mijë Lekë për vendosjen e sasisë së lëndës plasëse gjykata caktoi masën “arrest në shtëpi”.
Shkak i vendosjes së lëndës plasëse dyshohet të jetë bërë një konflikt mes porositësit, Edmond Arapi dhe pronarit italian të fasonerisë.
Ka qenë 16-vjeçari që rrëfeu përpara hetuesve ngjarjen dhe zbuloi edhe porositësin.
I mituri rezulton edhe më herët i përfshirë në veprime në konflikt me ligjin dhe i proceduar.
