GREQI- Aksident tragjik në Greqi, humb jetën njç çift bashkëshortësh nga Saranda.
Ngjarja ndodhi te rruga e re nacionale Patras – Pirgos. Mjeti me të cilin udhëtonte çifti shqiptar, u përplas me një kamion e për pasojë humbën jetën Eleni Çakuli dhe Theofilos Karletsis.
Sipas Protothema.gr ata lanë pas tre fëmijë të mitur, dy vajza dhe një djalë. I plagosur ka mbetur 70-vjeçari drejtues i kamionit nga Amaliada, i cili po trajtohet në Spitalin e Përgjithshëm Shtetëror të Patrës “Agios Andreas”.
Përplasja ka qenë shumë e rëndë. Në vendngjarje kanë mbërritur ambulancat e ushtrisë, Zjarrfikës dhe EKAV.
Sipas dëshmitarëve, 44-vjeçarja u hodh nga makina dhe është dërguar në spitalin ku ka humbur dhe jetën. Në të njëjtën kohë, mjekët po luftonin për të mbajtur në jetë 54-vjeçarin, por pa sukses. Hetimet për shkaqet e sakta të aksidentit po kryhen nga Departamenti Hetimor në Policinë Rrugore Patrës.
