Tiranë- Një 15-vjeçar është plagosur me thikë këtë mesditë në Tiranë. Autori i dyshuar i kësaj ngjarje është 28-vjeçari me iniciale K.M, të cilit gjatë arrestimit i është gjetur edhe lëndë narkotike e dyshuar kanabis.
15-vjeçari është dërguar menjëherë në spital, ku i është nënshtruar trajtimit mjekësor dhe fatmirësisht gjendja e tij është e stabilizuar dhe ka kaluar rrezikun për jetën. Në orët në vijim pritet të sqarohen rrethanat e ngjarjes.
Njoftimi i Policisë: Specialistët për Hetimin e Krimeve të Komisariatit të Policisë Nr. 2 arrestuan shtetasin K. M., 28 vjeç, banues në Tiranë, pasi ka goditur me mjet presës, për motive të dobëta, një shtetas 15 vjeç, i cili ndodhet jashtë rrezikut për jetën.
Gjatë kontrollit fizik, 28-vjeçarit iu gjet dhe iu sekuestrua, në cilësinë e provës materiale, një sasi lënde e dyshuar narkotike cannabis sativa.
