ZVICËR- Kishte vjedhur një biçikletë, por aventura zgjat fare pak.
Një 37-vjeçar nga Kosova është vënë në prangat e policisë zvicerane pasi të premten, më 7 tetor, në orën 10:00, ka sulmuar me thikë një oficer policie të qytetit Solothurn pasi ky i fundit donte ta ndalonte për një kontroll.
Sipas mediave zvicerane, kur shqiptari pa policinë, iku në këmbë për në qytetin e vjetër, ndërkohë që dy oficerët e policisë kanë nisur menjëherë ndjekjen dhe kanë kërkuar me radio përforcime. Kur i arratisuri është kapur në zonën e “Manor”, ka nxjerrë një thikë dhe ka kërcënuar me të një punonjës policie.
Si rezultat, burri ka mundur të vazhdojë arratisjen e tij, sipas policisë së kantonit. Më pas ai ka shtyrë një kalimtar nga biçikleta dhe e ka vjedhur atë. Me këtë, shqiptari ka vazhduar të ikë në drejtim të periferisë. Në këtë pikë, disa patrulla nga policia e qytetit dhe kantonit janë përfshirë tashmë në kërkim.
Përfundimisht, i dyshuari u gjet dhe u ndalua, duke u fshehur në brigjet e Aare pranë Dreibeinkreuzstrasse ku u vu në pranga dhe u dërgua në rajon. Policia po heton për shkaqet e veprimeve të shqiptarit.
