Shqipëria dhe Egjipti synojnë nënshkrimin e një marrëveshjeje bashkëpunimi në fushën e bujqësisë.
Lajmin e ka njoftuar ne rrjetet sociale Ministrja e Bujqësisë dhe Zhvillimit Rural Frida Krifca.
Ajo është takuar në Romë me ministrin e Furnizimit dhe Tregtisë së Brendshme në Egjipt, Ali Al-Moselhi.
Zonja Krifca ia ka shprehur ministrit egjiptian interesin për të zgjeruar eksportet bujqësore shqiptare, e posaçërisht drufrutorëve, drejt tregut egjiptian, por dhe më gjerë.
Ministrja bëri të ditur se të dy vendet po punojnë bashkarisht që së shpejti të nënshkruajnë një marrëveshje bashkëpunimi, e cila do të lehtësojë shkëmbimet tregtare bujqësore mes tyre.
