Mali Etna, vullkani më aktiv në Evropë, shpërtheu të dielën, duke hedhur hi në Catania, qyteti më i madh në Siçilinë lindore. Kjo detyroi pezullimin e fluturimeve në aeroportin e këtij qyteti.
Instituti Kombëtar i Gjeofizikës dhe Vullkanologjisë i Italisë, ose INGV, i cili monitoron nga afër Etna-n, vuri në dukje se mbulimi i reve për shkak të shiut, po pengonte pamjet nga shpërthimi, i cili shpesh është një shfaqje spektakolare e llavës flakëruese.
Instituti tha se hiri kishte rënë në Catania. Nuk raportohet për të lënduar. Aeroporti i Katanias deklaroi se për shkak të reshjeve të hirit, operacionet e fluturimit u pezulluan përkohësisht.
“Njerëzit në qytetet Adrano dhe Biancavilla, raportuan se kishin dëgjuar zhurma të forta që dilnin nga vullkani”- tha agjencia italiane e lajmeve ANSA.
Në fillim të vitit 2021, shpërthimi i vullkanit zgjati disa javë. Apnews
/rtsh.al/
