Policia ka njoftuar se ka finalizuar me sukses megaoperacionin policor të koduar “Fusha e kuqe”. Ajo arrestoi në flagrancë shtetasin A. P., 31 vjeç, banues në Fushë Kuqe, Kurbin. Gjatë kontrollit të automjetit të tij tip “Benz” u gjetën në bagazh një kuti me 62 pako brenda së cilave kishte 41 kg e 700 gram lëndë të dyshuar narkotike heroinë, të cilat u sekuestruan në cilësinë e provës materiale së bashku me automjetin. Në kërkim u shpall bashkëpunëtori i tij, shtetasi R. G. banues në Sukth.
Nga specialistët për hetimin e Narkotikëve në Drejtorinë Vendore të Policisë Tiranë, në bashkëpunim me Prokurorinë e Rrethit Gjyqësor Tiranë, vijojnë hetimet e thelluara për identifikimin e shtetasve të tjerë të implikuar në këtë veprimtari kriminale.
Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
