Safet Gjici i Partisë Socialiste ka falenderuar qytetarët që e votuan për të drejtuar Bashkinë e Kukësit edhe për katër vitet e ardhshme.
Ai u shpreh se Kukësi ka treguar se mbështet punën, projektet dhe zhvillimet, ndërsa shtoi se do t’u shërbejë njëlloj qytetarëve, madje edhe atyre që nuk e votuan në zgjedhjet vendore që u mbajtën ditën e djeshme.
Gjici: Kukësi ka treguar se tashmë mbështet punën, projektet e zhvillimet. Unë jam shumë mirëmnjohës për të gjithë qytetarët e Kukësit. Unë do t’u shërbej njëlloj pa dallim politik, edhe atyre që nuk më kanë votuar.
Fushata ka shkuar shumë e qetë, pa asnjë problem. Ju e kemi parë sesi kemi bërë që të bëjmë fushatë, duke mbjellë pemë. Kjo ka qenë një fushatë model. Nuk është koha që të festojmë sesa të mendojmë për të filluar punë për të nesërmen.
