Gjatë vizitës së tij të parë në Shqipëri, kryeministri i Shtetit të Lirë të Bavarisë Markus Soder është nderuar me Yllin e Madh të Mirënjohjes Publike për “Mbështetjen e veçantë të treguar ndaj Shqipërisë dhe Ballkanit Perëndimor.
Medaljen ia ka akorduar vetë kryeministri Edi Rama në pritjen e organizuar për nder të kryeministrit të Shtetit të Lirë të Bavarisë, Markus Soder.
Në videon e publikuar nga vetë kreu i qeverisë në rrjetin e tij social Facebook, Edi Rama ka shpjeguar edhe motivin e dhënies së medaljes.
“Për “Mbështetjen e veçantë të treguar ndaj Shqipërisë dhe Ballkanit Perëndimor. duke mos kursyer asnjë përpjekje për të konsoliduar proceset integruese; për kontributin dhe përkushtimin në forcimin e marrëdhënieve ekonomike e tregtare mes Bavarisë e Shqipërisë”, është shprehur Rama.
