Korçë- Ndërsa në Shkodër u vra një i ri, në Korçë një person u plagos me armë në këmbë.
Autori i kësaj ngjarje akoma nuk është identifikuar.
Nga burime policore mësohet se ai është afruar në lokal dhe ka qëlluar në tokë, pa shënjestruar askënd.
Ndërsa i plagosuri Romeo Berberi është trembur dhe një nga plumbat e ka kapur në këmbë. Sipas policisë, dyshohet se autori ka patur dikë tjetër në shënjestër, person i cili nuk dihet ende kush është. Romeo Berberi nuk është person me preccedentë penalë.
Janë shoqëruar disa persona për të dhënë deklarime në polici.
Njoftimi i policisë:
Korçë/Informacion paraprak
Më datë 18.09.2022, rreth orës 20:20, në Spitalin e Korçës është paraqitur i dëmtuar në këmbë, dyshohet me armë zjarri shtetasi R. B., rreth 53 vjeç, banues në Korçë, i cili ndodhet jashtë rrezikut për jetën. Nga të dhënat e para dyshohet se ngjarja ka ndodhur në një lokal, në lagjen nr. 16, Korçë.
Nga ana e Policisë po punohet për identifikimin dhe kapjen e autorit.
Grupi hetimor nën drejtimin e Prokurorisë po punon për zbardhjen e plotë të rrethanave të ngjarjes.
