Besimtarët ortodoksë shqiptarë i janë bashkuar botës ortodokse e cila ka kremtuar të Premten e Zezë, ditë që simbolizon përkujtimin e vuajtjeve të Jezu Krishtit dhe vdekjen e tij në Kryq.
Në Tiranë ceremonia e kalimit të Epitafit dhe varrimi i Jezu Krishtit, nisi pas meshës në katedralen “Ngjallja e Krishtit|”.
Besimtarët ndoqën nga afër kalimin e epitafit në rrugë dhe shoqëruan procesionin kishtar.
Në qytetin e Korçës, besimtarët ortodoksë, por edhe shumë turistë kanë ndjekur nga afër ritin e kalimit nën epitaf dhe varrimin e Krishtit e organizuar nga Mitropolia e Shenjtë. Nisja është bërë nga sheshi i Katedrales “Ngjallja e Krishtit” ku janë bashkuar 6 epitafet e kishave, ndërsa ka vijuar në dy bulevardët kryesore të qytetit.
Në Fier besimtarët kremtuan të Premtes se Zeze në kishën e Shën Gjergjit. Ata ndërmorën ritualin e kalimit nën epitaf, vendosur në ambientet e brendshme të kishës ku besimtaret sipas radhës kane kaluar nën epitaf dhe me pas mbas shërbesës u bë dalja ne qytet. Pasi ka përshkruar Bulevardin kryesor te qytetit procesioni është kthyer sërish në kishë.
/ rtsh.al /
