Përfaqësuesit e Parlamentit dhe Këshillit Evropian kanë arritur marrëveshjen për liberalizimin e vizave për Kosovën, e cila do të hyjë në fuqi jo më vonë se 1 janari 2024.
Raportuesi për liberalizim të vizave për Kosovën, Thijs Reuten u shpreh i kënaqur nga arritja e kësaj marrëveshje.
“Shumë i kënaqur që arrita marrëveshje në emër të Parlamentit Europain dhe Këshillin e Europës për liberalizimin e vizave për Kosovën jo më vonë se 1 janar 2024. Faleminderit të gjithëve që punuan në këtë për kaq shumë vite”, shkruan Thijs Reuten në Twitter.
Kosova është vendi i vetëm në Ballkanin Perëndimor, qytetarët e të cilit nuk mund të lëvizin lirshëm në këtë zonë.
“Më në fund qytetarët e Kosovës do të jenë në gjendje të udhëtojnë për pushime, vizita familjare apo për arsye biznesi në BE, pa pasur nevojë të aplikojnë për viza. Ky është një moment shumë i rëndësishëm për të ardhmen evropiane të këtij vendi”, tha Reuten.
/rtsh.al/
