Si shumë personazhe të tjera edhe Arbana Osmani ka reaguar për ndeshjen e Botërorit, Serbi-Zvicër e cila u përjetua shumë nga shqiptarët për shkak të Xherdan Shaqirit dhe Granit Xhakës që na dhuruan spektakël.
Moderatorja ka risjellë këtë me një pjesë të filmit, ku ka marrë pjesë së fundmi, të cilin e ka prezantuar në disa vende të botës.
Por në këtë postim Arbana është përballur me akuzat e ndjekësve të cilët e quajnë mendjemadhe.
“Filmi shumë i bukur, por para dhe mbas premierës në Londër u afruam për të bërë një foto me ju, por na ike dy herë dhe s’na e dhe mundësinë”, i shkruan një ndjekës.
Arbana e ka mohuar këtë duke thënë se kanë qenë aty deri në fund.
Ndërkohë një tjetër ndjekëse bie dakord me komentuesen e parë.
“Faktikisht ka të drejtë. Kam rastisur dy herë afër teje dhe të dya herët ke qenë shumë e ftohtë, madje mund të them mendjemadhe.”
