I dashuri i ri misterioz i Kim Kardashian i plotëson të gjitha kërkesat e saj – por ajo ende nuk është gati t’ia tregojë botës.
Gjatë episodit të së enjtes të “Kardashians”, Kim foli për vështirësinë e lidhjeve në sytë e publikut ndërsa ishte për të drekuar me Scott Disick.
“Nuk të kam parë në ndonjë takim apo ndonjë gjë tjetër”, i tha Disick Kim.”Epo, është e vështirë. Pas dyerve, nuk mund të dal. Është disi e sikletshme.”-tha Kim. “Nëse të shohin me dikë, atëherë nëse fillon të mos funksionojë, pothuajse duhet të përpiqesh ta bësh atë të funksionojë pak më gjatë, sepse je shumë në siklet që ndodhi kaq shpejt,” vazhdoi ajo.
Kim shpjegoi se gjatë gjithë kohës së saj me Pete Davidson, njerëzit e bënin të dukej si “një marrëdhënie shumë serioze” kur në realitet, ajo thjesht po përpiqej të kalonte një kohë të mirë. “Unë thjesht dua ta përjetoja fshehurazi pak. Nuk ka asgjë të keqe të me këtë.”
Dhe rezulton se ajo ka qenë diskrete me një mashkull të ri, të cilin Disick e quajti “Fred”.
Kardashian shpjegoi se miqtë e saj e quajnë atë me “Fred” dhe dyshja dolën në një takim në një klub në New York- ku ajo dhe Davidson, kanë kaluar disa “darka sekrete”.
Ajo që është kaq qesharake është që miqtë e mi donin që unë të takoja dikë, kështu që shkojmë në New York. Ky është si vendi im sepse ka një dhomë private poshtë, por më pas në internet, doli sikur “Kim rilidhet me Pete në këtë vend”.
Kardashian filloi të takohej me yllin e “Saturday Night Live” në tetor 2021 mes divorcit të saj nga Kanye West. Çifti u pa shpesh në Zero Bond gjatë romancës së tyre nëntë mujore.
Megjithatë Kim e bëri të qartë se nuk është rilidhur me komedianin dhe është shumë e lumtur me të dashurin e saj të ri.
“A i plotëson ai standardet e tua?” pyeti Disick, dhe ajo u përgjigj: “Oh, i përmbush të gjitha standardet.”
Më vonë gjatë episodit, ajo u kap në kamera duke shkruar mesazhe dhe duke buzëqeshur gjatë rrëfimit të saj.
Kur një anëtar i ekuipazhit e pyeti nëse ajo po i dërgonte mesazhe “Fred”, Kim – e cila më parë u zotua të qëndronte beqare për “disa vjet” – u përgjigj shpejt, “Po”.
Ndërsa është e paqartë se me kë po takohet Kim, vitin e kaluar, nëna e katër fëmijëve pranoi se shpresonte të gjente një “shkencëtar, neuroshkencëtar, biokimist, doktor ose avokat”.
