Një 14-vjeçar ka aksidentuar për vdekje një 63-vjeçar në Lezhë teksa ky i fundit po lëvizte me motoçikletë.
Shtetasi i mitur me inicialet P.M, duke drejtuar automjetin në rrugën dytësore që lidh fshatin Manati me Barbullojë e Re, ka aksidentuar shtetasin F. L. 63 vjeç. Për pasojë ka humbur jetën drejtuesi i motoçikletës.
“I mituri është shoqëruar në ambientet e policisë për kryerjen e veprimeve të mëtejshme procedurale bazuar procedurës standarte të punës dhe Kodit të Drejtësisë Penale për të Mitur”. Thuhet në njoftimin e policisë.
Ndërkaq, grupi hetimor vazhdon veprimet hetimore në vendin e ngjarjes për zbardhjen e plotë të rrethanave të aksidentit.
/rtsh.al/
