Drejtori i Përgjithshëm i Policisë së Shtetit, Gledis Nano, ka shprehur ngushëllimet e tij për familjen Avdia për vdekjen tragjike të 7-vjeçares në plazhin e Potamit.
Nano ka zhvilluar një vizitë ngushëllimi në familjen Avdia.
Në një prononcim për mediat, Nano u shpreh se ka marrë pjesë si qytetar për të qenë pranishëm dhe për të shprehur ngushëllime për familjen
“Vizita ime sot nuk dua të keqinterpretohet. Kam marr pjesë për të shprehur më shumë hidhërim ngushëllimet e mia për humbjen tragjike.”, ka thënë ai.
Kujtojmë se mbrëmjen e sotme shoqëria civile do të zhvillojë një protestë përpara Kryeministrisë në orën 19:00.
