Magji në skenën e teatrit “Bylis” me edicionin e shtatë të “Kërcimit të dashurisë”. Emocione të forta, konkurrencë e lartë, ambicie për të qenë fitues në këtë edicion, ka qenë tabloja e kësaj mbrëmjeje të ndjekur me plot kureshtje nga spektatorët e pranishëm në sallë. Të rinjtë pjesëmarrës kishin zgjedhur zhanre të ndryshme të kërcimit për të qenë pjesë e konkursit. Ata janë përgatitur nga koreografë profesionistë të angazhuar për këtë qëllim.
Ky kokurs u mbajt sërish në vigjilje të festimeve të Shën Valentinit një traditë kjo e konsoliduar me iniciativë të Drejtorisë së Artit dhe Kulturës me një bashkëpunim të gjerë për të arritur në realizimin e një organizimi në perfeksion. Për të shtatin vit Bashkia e Fierit, kryetari i saj Armando Subashi ka mbështetur këtë projekt me tepër dashamirësi duke sjellë kështu një impuls të gëzueshëm për jetën e rinjve të bashkisë .
Prej vitesh kryetari Subashi mbështet projektet e të rinjve në fusha të ndryshme të jetës së tyre. Pjesëmarrës në këtë event ishin nxënes të shkollave të mesme të bashkisë së Fierit. Me përkushtimin e stafit u bë e mundur që të realizohet “Kërcimi i Dashurisë 2023” që mund të cilësohet më i miri që prej vitit 2016./Tv Kombi/
