Ndërtoi pa leje në zonën e mbrojtur të plazhit të Divjakës, vihet në pranga. Në vijim të punës për parandalimin, evidentimin dhe ndëshkimin e veprimtarive të kundërligjshme në fushën e ndërtimeve pa leje, veçanërisht brenda vijës së verdhë në zonat urbane dhe në ato të mbrojtura, shërbimet e Komisariatit të Policisë Divjakë arrestuan në flagrancë, për veprën penale “Ndërtimi i paligjshëm”, shtetasin: -P. L., 60 vjeç, banues në Këmishtaj, Divjakë, pasi kishte ndërtuar një objekt pa leje, në zonën e mbrojtur të plazhit të Divjakës. — Specialistët për Hetimin e Krimeve të Komisariatit të Policisë Mallakastër arrestuan shtetasin Xh. B., banues në Kalenjë, Mallakastër, pasi është konstatuar jashtë banesës së tij, në shkelje të masës së sigurisë “Arrest në shtëpi”, të caktuar nga Gjykata e Rrethit Gjyqësor Fier ndaj këtij shtetasi. Materialet i kaluan Prokurorisë, për veprime të mëtejshme procedurale.
