Presidenti i Republikës, Bajram Begaj dhe ministri i Brendshëm, Taulant Balla ishin të shtunën për vizitë në Shtëpinë e të Moshuarve në Fier, ku uruan festat e fundvitit dhe drekuan së bashku me të moshuarit.
Ministri Balla, sipas njoftimit për shtyp, u shpreh se është një kujtim i bukur, që kreu i shtetit zgjodhi të shkojë në Fier, si dhe falënderoi stafin e qendrës për shërbimet e ofruara, për të moshuarit.
“Tryeza që na mblodhi Presidenti sot, na ka bërë bashkë, mazhorancë, opozitë, pushtet vendor dhe në fakt ky është roli i Presidentit, që edhe pse kemi ndasi ky institucion na bën bashkë”, pohoi ministri Balla.
Presidenti Begaj në fjalën e tij tha se festat ndahen me njerëzit dhe duke qenë bashkë, shprehen dëshirat për një vit të ri më të mirë e të begatë.
/rtsh.al/
