Familja mbretërore është edhe një herë në ujëra jo të mira me Princ Harry dhe Meghan Markle duke injoruar publikisht ditëlindjen e 2-të të vajzës së tyre Princeshë Lilibet.
Ndryshe nga viti i kaluar, kanalet zyrtare të mediave sociale të familjes mbretërore nuk postuan asgjë për ditëlindjen e Lilibet të dielën.
Dhe një burim pretendon se Mbreti Charles III dhe Mbretëresha Camilla nuk ndanë asnjë urim zyrtar për ditëlindjen për Lilin e vogël në mediat sociale, sepse ata “nuk urojnëzyrtarisht ditëlindjet e anëtarëve që nuk janë më pjesë e Familjes Mbretërore”.
“Ata, natyrisht, i urojnë Lilibet gëzuar ditëlindjen, por asgjë nuk do të publikohet në asnjë kanal”, tha burimi për ‘OK! Magazine UK’. Vendimi i Charles për të mos uruar ditëlindjen e Lilibet në mediat sociale ndryshon nga mënyra se si nëna e tij e ndjerë, Mbretëresha Elizabeth II, e trajtoi situatën vitin e kaluar.
Mbretëresha i uroi Lilibet ditëlindjen e parë në vitin 2022, vetëm disa muaj para se të ndërronte jetë atë shtator në moshën 96-vjeçare.
Por këtë vit, asnjë nga Familja Mbretërore nuk e uroi publikisht Lilibet.
Kjo gjithsesi nuk i ndaloi Harry-n, 38-vjeç dhe Markle-n, 41-vjeç të festonin ditën e madhe të vajzës së tyre.
Lilibet lindi në Kaliforni pasi Sussex-ët u transferuan në Montecito pas dorëheqjes së tyre nga detyrat e tyre mbretërore në 2020. Ndërkohë, ditëlindja e 4-të e Archie-t ra në të njëjtën ditë me ceremoninë e kurorëzimit të Charles më 6 maj .Markle qëndroi në shtëpi në Kaliforni për të festuar ditëlindjen e djalit të saj ndërsa Harry udhëtoi për në Londër për të marrë pjesë vetëm në ditën historike të babait të tij përpara se të kthehej me shpejtësi në SHBA për t’u bashkuar me familjen e tij.
