Një shqiptar është ekzekutuar në qendër të qytetit të Krefeld në veriperëndim të Dyseldorfit. Mediat vendase shkruajnë se ngjarja ndodhi të hënën në mbrëmje. Sipas informacionit të BILD, një çiklist në pjesën jugore të qytetit u qëllua nga disa të shtëna pak para orës 20:00. Shqiptari u rrëzua i vdekur në mes të rrugës.
Autori ose autorët mësohet se e kanë qëlluar në pjesën e pasme të kokës nga një distancë e shkurtër. Autoritetet po punojnë për zbardhjen e krimit.
