Kryeministri Edi Rama, njëherazi edhe kreu i Partisë Socialiste, është rizgjedhur për një mandat tjetër si zv.President i Internacionales Socialiste. Lajmin e ka bërë me dije Sekretari i Përgjithshëm i PS-së, Damian Gjiknuri.
“Kryeministri, njëherësh Kryetar i Partisë Socialiste të Shqipërisë, Edi Rama rizgjidhet për një mandat tjetër zv.President i Internacionales Socialiste. Më herët Kongresi XXVI i Internacionales Socialiste votëbesoi në detyrën e Presidentit kryeministrin e Spanjës Pedro Sánchez që mori vlerësimin edhe nga Partia Socialiste e Shqipërisë si pjesë e familjes së madhe të socialistëve dhe progresistëve të botës”, shkruan Gjiknuri.
Ky është mandati i tretë i Kryeministrit Rama si Zëvendës President, ku mandatin e parë e mori në vitin 2013, ndërsa të dytin në vitin 2017.
Të premten, Kryeministri spanjoll, Pedro Sanchez, u zgjodh president i Internacionales Socialiste, gjatë konferencës së organizatës ndërkombëtare në të cilën marrin pjesë 132 parti socialiste apo socialdemokrate nga e gjithë bota. Konferenca po mbahet në Madrid dhe do të përfundojë të dielën.
/rtsh.al/
