Tiranë- Rëndohet bilanci i aksidentit tragjik që ndodhi në orët e para të mbrëmjes në Tiranë. Dy gra humbën jetën pasi mjeti ra nga lartësia e mbikalimit tek rrethrrotullimi i TEG-ut.
Ngjarja fatale ndodhi rreth orës 18:05.
Shtetasi Q. K., duke drejtuar automjetin, në unazën lindore, dyshohet se, duke dalë për tek rrethrrotullimi i TEG-ut, ka humbur kontrollin dhe automjeti ka dalë nga rruga dhe ka rënë nga mbikalimi, mbi kofanon e një automjeti tjetër.
Si pasojë kanë humbur jetën dy gra, si dhe janë dërguar në spital për ndihmë mjekësore Q K., O. K., dhe K. R., të cilët ndodhen nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit.
